نكت وتحشيش ماما جلال الشجاع الزبيدي

يابه يكلك بمناسبة العيد السعيد اختار صاحب (الفخامة) والقيافة والنيافة رئيسنا جلال الطالباني (حفظه الله في الثلاجة) ان يذهب لمكان.. فذهب الى (فاتحة)..!!


وبعد ان جلس .. اخذ يتلفت يمينا ويسارا كانه يبحث عن شيء ما.. فقالوا له: فخامة ماما جلال على شنو تدور..؟ قال: اشو المرحوم ماكو.... المهم الناس تجمعت حول (فخامته) الفخيمة وهو يرتدي قاط العيد الموشح بعلم الاقليم الغالي والعلم الاميركي الاغلى.. فساله بعض الحاضرين.. (كاكا.. ليش ما تحل ازمة الكهرباء بالبلد وتسوي الكهرباء دفن)..؟


فقال المام بعد ان فكر بالمسالة: ..(يابه لا ما يسير.. بعدين ختيه عصفور وين يوكف..؟؟).. وساله اخر..(مامه جلال.. وين يكثر التمر في العراق؟؟) فاجاب الرئيس: (هاي سهلة وبسيطة.. يكثر التمر بالكليجة مال عيد).. بعدين طلبوا منه ان يذكر لهم اخر مسج قام بارساله.. فقال لهم: (أي.. اخر مسج كان لزوجتي.. ويكول:..
انت الحب مال اني.. انت ينام ما خلاني.. اشعل اهل مال انت.. اذا يحاول تنساني)....


وراها الناس بالفاتحة طلبت ان ينصحهم فقالوا له: (كاكا جلال انت مو رئيس دولة..؟ وين اقوالك وكلماتك اللي نمشي عليها..؟ ) فقال لهم: (اي .. اني عندي اقوال هواية وكلمات تمشون عليها.. اسمعوا هاي المقولة..(التانكي الكبير؟؟ يحتاج مي اكثر من التانكي الزغير ) كالوله .. وبعد؟؟ كال: (ليش الخيار اخضر وطويل..؟ لان لو كان احمر ومدور جان صار طماطة..؟)..


وبعدهه اجه العشاء مال الفاتحة... فطلب مامه جلال خاشوكة طولها مترين حتى ياكل تمن.. كالوله ليش..؟ كال:
(الطبيب كلي ابتعد عن التمن).... وبعد العشة وكف كاكة جلال يراقب السماء.. فساله طفل : مامه جلال.. ياهو احسن الشمس لو الكمر؟؟ كال : (لا طبعا الكمر.. لان الكمر يطلع بالليل وينور الظلام.. اما الشمس فتطلع بالنهار اكو ضوة شنو الفايدة)..؟؟ ..


وكال: (اني يباوع على السماء لان احنا راح نسوي عمل عظيم ونعبر للفضاء.. وقررنا ان نروح للشمس).. فقال له احدهم: كاكا .. شلون تروح للشمس وهيه حارة تلتهب ..؟ فقال : يابه..
هاي ماكو اسهل منها .. نصعد بالليل....


واخيرا الجميع طلبوا من (فخامة) الرئيس ان يروي لهم احدى بطولاته.. فقال: (فد يوم دز عليه جورج قرداحي في برنامج من سيربح المليون.. فسالني اول سؤال واحد زائد واحد اشكد يساوي..؟ كلت والله كاكا هذا سؤال صعب.. كلي استعين بصديق.. كلتله ماكو غير صديقي مسعود بارزاني..
وبعد الاتصال كلت لمسعود ولك الحك اخوك هذا سؤال صعب.. كلي دير بالك اخوي لان بصراحة والله العظيم هذا السؤال ما اعرفه وانتهه الوقت وراح مسعود.. هاي شلون شدة.. جورج قرداحي كلي خلي اقربلك المسالة..انت شتحب؟ كلتله : احب الكباب.. كلي: زين.. شيش كباب زائد شيش كباب شكد يساوي..؟ كلت والله انت صاير تتفيك عليه.. كلي: ما بيهه شي واحد زائد واحد هي نفسها شيش كباب زائد شيش كباب.. فقال : اهااااا.. هسه يلله عرفتها مو اكلك انت صاير لوتي براسي.. الجواب هو .. واحد زائد واحد يساوي... نص نفر) هههه..!!
وعليهم....
مع تحياتي الشجاع الزبيدي