اظل اهواك رغما عاليكرهون (من كتاباتي) علي الدجيلي

قصيده (اظل اهواك رغما عاليكرهون)قصيدها كتبتها بمولد الامام الحجه (عجل الله تعالى فرجه ) وهي من كتاباتي ارجو ان تنال رضاكم

احبك تدري بيه اوبيك مجبور
مثل طير المحب لمن يهاجر
متيتم بحبك يا علي اشلون
يالحبك ابروحي اودمي ساير
متوهم الكال انساك فد يوم
يا اجمل قصيده ابكلب شاعر
احبك والله غصبا عاليكرهون
وظل اهواك غصبا عاليكابر

ميلادك هدايه اورحمه للناس
اونعمه اتجلت ابنور البصائر
اريد اكتب شعر فد لليحبون
اوللبذره النظيفه اوكلب طاهر
وكوللهم سوالف تدمي لكلوب
ولا بالغ ابحجيي او لا اكابر
يزيد اشلون اقيسه ابكفة حسين
وساوي اشلون فاجر وي طاهر
اساوي شلون ترهم سيد الكون
ابهذاك ابن الزنا الفاسق الفاجر
كتابك يا علي من الله مختوم
اومنه اموقع اومن عنده صادر
مو فد عالورق نكتبلك اشعار
بالدم والدمع نكتب مشاعر
كتبنه حروف اسمك بالشرايين
وشكد ما احبك صرت شاعر
دجيلي اوبيك اتنومس ولا هاب
اجيلك زحف يا مولاي زاير
ولا فد جتي الك معتنيه لجساد
اجت لكلوب تزحف والضماير
مغرم عاشك اني أوخل يكولون
اولجل عين الاحبه بدمي اخاطر
اجيتك والدمع ينزل علخدود
جنهن مو دمع جنهن خواطرا
يشعبان الفرح خل افرح اوياك
وزيح الهم على صدور الكواسر
ارض الوطن ظلت فد للذياب
اوزرارير الامس صارن كواسر
كوم انهض يحامي الشرع والدين
اوخله تسولف اوتحجي المقابر
سوالفنه الحزينه اتفت الجبال
اودمع عيونه مو دمع عابر
اجونه بحرمله اورد عادابن سفيان
اوألهم من ذهب صنعوا سواتر
اوبعضهم صار فد يحسب ملايين
اوبعضهم صار فد يحسب دفاتر
كاتب القصيده // علي الخربطلي الدجيلي

يسلموووووووووووووووو

شكرا على المرور اخي العزيز
تحياتي

تدلل

مشكوور تسلم يالغالي