قصيدة مشت بيك الشفايف

يلمفخور خصرك بيه اتباهي الناس
نسيت آنه الفخرته ابحر براكيني

اهمس جوه اذنك بين اديه اتذوب
اوتصرخ من المك بعد بديني

مشت بيك الشفايف مشية السكران
اوشاماتك صحت هيه التدليني

اسد باب العقل من اندمج وياك
وافتح باب اطلع كل سواديني

چنت تغفه اعلى صدري اوتستلذ بلنوم
اوشعرك چان مدمن مشط چفيني

وذا صابك مرض اتمنه بيه ايصير
واتقصد احضنك حتى تعديني

شتلتك عود يابس شارد من النار
اويوم الخضرت تنكر فضل طيني

عفت گاعي غفل خط رجعه ماخليت
اوسكنت ابمزهريه من خزف صيني

ورداتك وحيده امگابله الشباك
تحلم بالندى اوتتذكر اسنيني

اسنين الچنت اذبحك بس چنت ترتاح
اومن تنزف وراهه اتبوس سچيني

وازاك الخريف اتريد هسه اتعود
ماترهم بعد لو ترهم ابعيني

لان بيه طبع مالتفت علراح
عاشرتك زمن تعرف قوانيني

بس ايجوز اسامح گلبي بالساعات
لتگلي ا شوكت من الله يهديني