منتظر الزيدي الصغير في الدجيل ( بالصورة )

الله يحفضة لاهلة

بطل منذ صغورته ماذا يفعل اذا كبر

تقبل مروري

جميل جدا اخويه الاستاذ منتظر ويا ريت استحداث منتدى او قسم يختص بالحوار والنقاش تحت عنوان (نقاش وحوار) يتم فيهتناول الاحداث على الساحه السياسيه
شكرا للموضوع
تحياتي

يسلمو خيو ضافر الانصاري على الصورة

تحياتي الرونق الجريح

تسلم ظفار على النقل الجميل


والله يخلي اطفال العراق كلهم يا رب وينصرهم على اعداهم

يسلمو ضفار على هذا الموضوع الحلو وميرسي عالصوره

[b]همممم رجعتو على منتظر الزيدي وتالي يعني شوكت تبطلون من هاي المزايدات والفرارات الي مالها اي معنى عمي تره مو فد مشكله اذا الريئس الاميركي انضرب بوردةهاي بنص امريكا تصير ويحرقون صور باي مضاهرات وبكل انحاء العالم تصير شسويتو ها قصه القضيه اكبر من هذا الزيدي القضيه قضيه احترام لسيادة رئيس الوزراء وللحكومه العراقيه وللعلم العراقي اي شوكت نترك هاي السوالف ونتذكر احترام الضيف مهما كانت هويته عدكم رسوال الله (ص) خير مثل لللاخلاق وخلاق الدين الاسلامي عمي الزيدي يريد يصير بطل خلي يروح يضرب بوش بره قبه رئاسه الوزراء لو هيه شاف كامرات وهوسه ويريد يصير بطل بروس العالم وثاني شي صوره هذا الطفل الي ضرب جنود امريكان هاي وين بله وين صايره شو كلما يجون الامريكان يلتمون الجهال مدري مين يطلعون وينطوهم هدايه وحلويات ارجوو تغير هاي الثقافه وعدم الكلام والكيل بمكيالين

الاخ اسايرها

نعم ان كانت هذه مزايدة وفرارات فنحن ملتزمون بها الى الموت
يا اخي انت تقول ان منتظر الزيدي اراد اظهار نفسه عبر الكاميرات
لو اننا قلنا انه قام بضرب بوش اللعين ( لعنه الله ) خارج الكاميرات فلن يتمكن العالم من رؤية هذه الحادثة حيث لا وجود اي كاميرات
وكل من يكره منتظر الزيدي (المناضل) يقول بانه فعل ذلك لان الكاميرات كانت متواجدة فاراد ان يظهر نفسه
ان استاذي الكبير( نعم هو استاذي وافتخر به كأستاذ ) قام بذلك وانه يعرف انه سيتم القاء القبض عليه وتعذيبه فهل يمكن لشخص يريد الشهرة فقط ان يفعل هذا الشي وهو يعرف انه سيعاقب وسيسجن
يا اخي هذا الحدث وهذه الرجولة من الاستاذ البطل منتظر الزيدي سوف تديم أستفزاز مشاعر كل العراقيين الشرفاء وترفع من مستويات حنقها ورفضها لهؤلاء المجرمين المحتلين الغازين واذنابهم ،
يا اخي ان فكرتك ليست بمحلها عن الاستاذ فارجو ان تكون رؤيتك للحادثة من عدة زوايا وليس من زاوية واحدة كما ذكرتها في ردك

تحياتي لك

والله ما اعرف (بوش يحل ضيفا على العراقيين ) فقط اريد اوضح صوره يمكن تناسوها العراقيين 000 او بعض العراقيين 00 بوش لم يحل ضيفا على احد بوش جاء غازيا وداعما لعملائه والمقربين اليه الذين باعوا كل شيء في مؤتمر لندن 00 بوش لم ياتي لسواد عيون العراقيين 00 ولم ياتي ضيفا على الشعب العراقي 00 وانما جاء لتحقيق مصلحة بلده وشعبه الامريكي 00 وما ياكد ذلك بعد ست سنواة عجاف عاشها الشعب مضافه اليها ثلاث عقود من الضيم فرضت على ابناء الشعب المسلم من خلال فرض حكومات بعيده عن طموحات ابناء الشعب 00 امريكا والحكومات الامريكيه المتعاقبه لا تتعامل مع ارادة شعب بل مع مجموعه من الاشخاص تطلق عليهم حكومه يراسها سفير امريكي خائن للشعب 00 وقد قال احد العلماء (اذرضيت عنكم امريكا فاعلموا انكم على خطأ) من منطلق قول الله تعالى (لن ترضى عليك اليهود ولا النصارى) ام حليت الدنيا باعين البعض وأراقهم زبرجها فلم ينزل دين جديد ولم تنسخ الايه الكريمه بل هي من المحكمات وقد قال تعالى (ولن تجد لسنة الله تبديلا ) هذا كتاب الله وهذه سنته 0 فلسنا قاصرين لكي تتولى امريكا امورنا 0 الشعب يقتل الاموال العامه تنهب 000

لو اكو مثل منتضر فد عشرة مو هواية مجان صار هذا حال العراق