** قبل الدراسة وبعدها**
تعبنة شكثر احنة من الدراسة
وشكثر راجعنة وقرينــة
تالي مـن نوصــــل القاعــــة
جنهة مــــــا مرت علينة
ارتبـــــاك وخـــوف عدنـــة
ايصير من اللـــــي يجينة
يكَول اكَطع صوت كافـــي
ترة هســـــة احنـــة بدينة
بـــدة ابتوزيـــع الدفاتـــــر
والغضب بايـــــــن بعينة
ومن بـــدة ايوزع اسئلتــه
كَلت اضــــن يتغـــــدة بينة
واحنـــة همينــــة سكتنـــه
وعل الوضع احنة رضيـنة
فوكَ مو قانـــون نــــدرس
طفـــــوا البنكـــــة علينـــة
عمـي ميخالــــف قبلنـــــة
لأن مــــو كلشـــــــي بدينة
بالعـــوج دنيانة صـــارت
من اليســـــار احنـــة مشينة
احنة نخضــــع لدستــــور
وهمة كلــــــة مخالفينـــــــة
هــذا ياطالـــب الينجــــح
وانتــــوا حظــة مطيحينـــة (عذراً)
تمرمـــرنة وتعذبنـــــــــة
وملـــــت اهــــدوم العلينـــة
شوكت رح نرتاح احنــة
شوكــــــــت يادنيــــة ملينة؟
ادري من نتخرج احنـــة
لو نبطـــــــل فهمينـــــــــة؟
حتة من نتخرج احنـــــة
ويـــــن نلكــــــَة اليلفينـــــة
راح نصـــبر علمـــــرار
وراح نبقـــــــة بهلسفينـــــة
واذا صارت بيهة زلـــة
الله رح يكَلبهـــــــــة بينـــة
لحد ايلوم ابـــــد دنيــــة
هيــــة مو منهــــة اليجينـــة
احنة كل الغلــــــط عدنة
والقهر كلــــــة من ادينــــــة
الشاعر عثمان الجبوري
كلية القانون جامعة بغداد
wwaha1988@yahoo.com