مغامرات شاعر الحب المغامره الاولى

شاعر الحب و المبردة ,, مغامرات شاعر الحب..
سلامن عليكم كلش هواية (شكد ما ادري) ,, و لهذا ,, و لهذا شنو هو اني شحجيت؟؟ قصدي نبدي بالموضوع



مثل ما اتعرفون الصيف اجة (صدك؟؟) كل عام و اني بخير,, و ينعاد عليه بالصمط و العرك و اللعبان نفس كولو آمين ,,


اليوم قررت اضع حد لمشكلة الحر ,, حاولت احل مشكلة الاحتباس الحراري ,, اتوسطت حتى اطلع الحر من الحبس ماكو فائدة كللولي الاحتباس يعني الحر مصجم بنية و ذابيه بالحبس و ما يطلع ,, يابه اوكي ,, المشكلة اللخ ,المبردة دا اترست من كيفها ,, تنطفي و تشتغل ,, و الدفع مالتها مو شي , كلت احتمال بروسيسر ,, او الحلفة بورد مضروبة عندي , كلت ليش افرمت الطوافة و اتعب نفسي ؟؟ و لازم اجيب ابو طوافات يعرفها ؟؟ خلي اجيك اول

اتسلقت المزريب و وصلت للمبردة ,, مبردتنا الا باسوورد يلا تنفتح ,,

ضربت وحدة من البيبان كلة ,, الكلة بيها فائدتين ,, هم اعنجر و تتنشط الدورة الدموية مال كصتي ,, و هم تطلعلي مسج ,,

welcome in Mubaridda microsoft set up please eneter the correct passwoed

دخلت الحروف عن طريق الدكم مال الموبايل ورا ما ربطتة بلوتوث وية المبردة ,,

ح ل ف ة

و دفرت الباب راشدي,, هاي بدال ال ok او enter

انفتحت الباب ,,
طبعا الووتر بم يشتغل على بصمة اصبع رجلي الجبير اليسرة ,, شلون راح اشيل رجلي و اني عال درج؟؟
لكيت الفكرة

جبت برشوت و صعدت بالسطح و سويت انزال عال مبردة بحيث استقريت فوكاها ,, حسيت بنفسي انقلبت عباس بن فرناس و طبعا 6 مرات يلا الانزال نجح ,, مرة اوكع بالكاع على خشمي ,, مرة اطلع لابس البراشوت بالمكلوبي بدال ما انزل الكي نفسي صاعد محلق مثل البالون و استقر فوك البيتونة و من ورة الهوة ارفرف مثل العلم ,, يبووو اخر شي نزلت بالضبط فوك المبردة و شغلت الووتر بمب و كام يشتغل

جبت برنامج انتي فايروس حلففسكي و نصيته بصف الطوافة و سويت scan للمبردة ,,

اهاااااا ,,طلعلي 5 فايروسات و حصواية ,, و اكو تروجان يخلي المبردة اتجيب هوة حار ,, اتكول انكلبت شسوار مو مبردة ,, ما كدر يسويله شي ,, حاولت اسوي ريستور ارجع الهوة مالتها على صيفية 2006 ,, مو حل ,, لان بال 2006 جان الوضع مو زين خاف يرجع العلس من ورة المبردة مالتي ,, مو جربت حظي و ولا مرة وكف وياية ,,

ورة كل هاي الشغلات ما فاد و بقت المبردة اتجيب هوة حار ,, بحيث كمت اخلي الاكل كدامها اجي عليه ورة ساعة الكي مستوي ,, او من ابلل اغسل شعري و امشطه كدامها شسوار بدون ما اشيله ,, و كلت خلي اخلي كرشي كدامها بلكت ينزل ,, اعتبرها ساونة مو مبردة ,, بس هم ما فاد ,, اشو بدال ما ينزل كرشي صار عندي أسهال ,,

رحت لخبير مبردات ,, عندة دكتوراه في عملية جلف السربس ميكانيكيا ,,

كلي المشكلة بسيطة ,, الغاز منكص عندك اترس الغاز هسة يجيك هوة بارد


بشرفكم ,, أكو مبردة بيها غاز؟؟؟؟؟

ادري منين؟؟

و حتى الكة المبردة منين يحطولها غاز ,, هذا شاعر العركان و الروحة بازعة من الحر ,, يحييكم و يتمنى لكم صيفا معتدلا ,, ما اكدر اكول صيفا باردا لان ماكو هيج بطة تلعب طاولي ,,
مع تحيات شاعر الحب