ابو ذيات

غيابك خلخل اعضامي .. وهدهن
واجر حسرات ببعادك .. وهدهن
آلي دمعات لو ابجي .. وهدهن
تفيض اليابسة ونغرك سويه

ذهب صافي طبعنة...... ما صدينة
وابد عن اليودنة .....ما صدينة
تصيد الناس واحنة.... ما صدينة
رغم نفس المكان انذب سوية

تسـويـها صــدك وبـلحـظـة تـنــســاني
وتضــيعنــي مثـل ما ضــاع عنوانــــي
سـهـل عــندك غيــابي وأدري بيــك أني
مـثل متبـدل هـدومـك تترك الــنــاس
وتــخلــيها بــعـذاب جـروحـك تعـــانـي
بــس النــاس يـا أبــن النــاس مـاهـي
هــدوم وتــذب واحــد قديــم وتـلـبـس
الثـــانـــي

اذا فعلا تحبني ولحبي مانسيت
اريدك هسه يمي وتحلف بحبي
تدري بصدري من دورت شلكيت
لكيت كلبك بي بس ماكو كلبي

الي احباب اعلمودك ودعوني
طحت ما شفت واحد ودا عوني
انا بعرسك دعوني ودعوني
نفسهم جانوا يشمتون بيه

أنا أديت العلي بس انت شأديت
وعلية حروب وي دنياي شديت
طحت إكبال عينك وصلة شديت
وهجع وسفة كمت تركص علية00

مخبل واسولف بيك صرت بغيابك موجنت صافي البال منين الله جابك

سبحان من سواك نص وجهك عيون حتى البعيد يموت چا اهلك شلون