الليل ذاك اليخبل ببغداد

الليل ذاك الحلو الي يجنن ببغداد

---

دكــيت باب الوطــن وابوابة مسدودة @ ومن فتح بابة انزلـن دمعات بخــــــدوده
صب الدمع واشتكة من دون مايحجي@ وصعبة علي من شفـــــت عين الوطن تبجي
آه يا وطنا الحلو راحت حلاتك وين@ راحت وصارت قطـــــــع سودة عل الحياطين
آه ياوطنا الحلو يازين ياغالي@ مو انته الاول جنـــــــــــــــــــــت ليش اصبحت تالي
الناس جانت گبل تتوسل تشوفك@ هسة صــــــــــــــــــــــــفت بالعكس تتوسل تعوفك
ابچي على بلدي ابچي على بغداد@ عل المتحف ابچـــــــــــــي على التاريخ والامجاد
ابچي عل الصحفي وابچي على الفنان@ وعل الماي ابچي انا وعل الشجرة والاغصان
ابچي انا عالقتل ما بين هل الخوان@ وابچي انا عل الغدر وعلاسة الجـــــــــــــــــيران
ابچي على مذهبي وابچي على ديني@ عل القبلة صار الـــــــــــــــــذبح بيد المخاويني
نذبح بعضنه ذبج والاجنبي المحتل@ نتوسلة بالبـــــــــــــــــــــــــــــــلد يبقى ولا يرحل
السبب خوف الشعب من حرب اهلية@ ومن معركة قــــــــــــــــــــــــــادمة سنية شيعية
المن يكون النصر والمن يكون التاج@ ويامذهب الينتـــــــــــــــصر وتحج الى الحجاج
من ياترة المنتصر لو فاض بينه السيل@ ولكم ترة المنتــــــــــــــــصر امريكا واسرائيل
.هذا العراق الحلو بيه الزمان اندار@ ولو نار هسة انطــــــــــــــــــــــفت تشتعل باجر نار
الليل ذاك الحلو الي يجنن ببغداد@ اصبح يضيك الخـــــــــــــــــــــــــلك وايامة ما تنراد
والماي ذاك العذب ما عاد نفس الماي@ روجــــــــــــــاته يبچن دمع واحزان بيهة هواي
الصار بينه وجرى ما يخطر

عل البال@ ومو كل دمـــــــــــع ينبچي ولا كل حچي ينگال
بسبب وبلا سبب نتكاتل على المال@ ونسينه عــــــــــــــــــــدنه وطن وجروح بي اشكال
هذا العراق الحلو ما غيرة حبينه@ وبغــــــــــــــــــــــــــــــــــــداد بيت الأهل البي تربينه
شاف العراق الحلو من الهموم اشكال@ ويامة انجــــــــــــــرح هالوطن بس ما بچت عينه
ونصحونه ياما بشر نرحل لغير بلاد@ ما عفــــــــــــــــــــــــــــنه هذا البــلد ونحبه ظلينه
انا خايف يضيع البلد مابين هذا وذاك@ وشيـــــــــــــــعوضة النه الوطن لامال لا املاك
نحتاج مال الدول اموال تهدينه@ بس لو طلـــــــــــــــــــــــــــــبنه وطن ياهو الي ينطينه
*************

ليش مراد يلا رد بساع