طلع قاسم عطا اوصرح لزمناهم (منقول)

السلام عليكم
اثناء تشييع جثامين شهداء (الاحد الدامي)في الصالحيه علق احد اطفال العراق بما يلي
(هم يطلع قاسم عطا ويكول لزمناهم)

ألي فجروا كلهم عرفناهم
(طلع قاسم عطا وصرح لزمناهم)
********************************
عذرا يامواطن حصل هالتفجيــــــــــــــر
عدلنه خططنا ومايطير الطيـــــــــــــــــر
ويوم الاربعاء شلون صارتحيــــــــــــر
شو هم صار الاحد ذوله اشجاهم
(طلع قاسم عطا وصرح لزمناهم)
***********************************
أرد اسأل سؤالي واعتقد مشـــــــــروع
يجاوبني عطا ويوضح الموضـــــــــوع
لزمتوا الفجرو كبل الحدث باسبـــــوع؟
بعد اسبوع هم كلتو لزمناهــــــــــــــم
(طلع قاسم عطا وصرح لزمناهم)
***********************************
لزمناهم يكول وهسه موقوفـــــــــــــين
والتحقيق جاري من امس معترفيـــــن
منهم قاعده ومنهم البعثيـــــــــــــــــين
ومن عهد المباد اشخاص وياهم
(طلع قاسم عطا وصرح لزمناهم)
************************************
جاوين العساجر وينها الضبـــــــــــاط
مسرود الامن شو مارهمله اخيــــاط
جاوين الرجال الكلتو ذوله انشــــاط
ذوله اسباع بالكلفه اعتمدناهم
(طلع قاسم عطا وصرح لزمناهم)
*************************************
جا وين الحكومه اووينه الدستـــــور
مذبوح الشعب من ركبته منحــــور
جاوين النيابه الترستنه قصـــــــور
(بينه الصوج ذوله احنه انتخبناهم)
(طلع قاسم عطا وصرح لزمناهم)
*************************************
بطلنه البناء نريد بس الريــــــش
صار النجر بينه يريد بس يعيـش
بدلتو الحكومه وجيش بدل جيِش
بنفس الجنجرص كل يوم تلكاهم
(طلع قاسم عطا وصرح لزمناهم)
**************************************
ياصبرالحسين وياصبر زينـــــــــب
كلي لياوكت هالشعب يتعــــــــــذب
النايم بالنطاره يغادرالملعــــــــب
العراقيين الهم الله الذي يرعاهم
(طلع قاسم عطا وصرح لزمناهم)

قصيده روعه ومعبره بس من يسمع يا اخوي العزيز. اشكرك عله جهودك وبعد لتعيدهه النقل حرام (من غشنا ليس منا) اشاقه وياك حب.هذا طبعي مكابر عله جروحي واضحك.لتكصني.اوك.اتقبل مرور ونجدة اخوك صفوان الخزرجي. .أنتظر منك المزيد ربي يوفقك.

تعيش على هل القصيدة حتى وان كانت منقولة تقبل مروري