ابــــوذيــات 2010

السلام عليكم
ابوذيات جديدة 2010
ننتظر الردود

كلي الراحلك منهو وياهو
ومنهو الغيرك عني وياهو
اميلك جان ماسنجر وياهو
تبدلة بدردشة وتنكته بيه


دكلي شغيرها السبعة ورة الست
وخلص عمرك تسير انتة ورة الست
ابشرك راح افرمته ورست
حياتي وذكرياتي وكل شي اليه


طلع دولار حصتي اوف لاين
وكلبي من المصايب اوف لاين
من افتح ايميلك اوف لاين
وتكلي شبيك ماتدخل عليه


كلبي خلاف عينك فرمتاها
وشخصك عن خيالي فر متا ها
دليلي ذكرياتك فرمتاها
وتذكرت النسيته وعم عليه


على الضدك مرض يكتل وكن سل
وتعرفنة وعلي بدونك وكنسل
الغي كل كلب قاسي وكنسل
جميع اهل البغض واهل الردية


ابد كلبي الفرح ما يوم طبلـــــه
معلعل ما لكه يا ناس طب لـــه
ثنة ركبة زماني ودكلة طبلـــــه
وكضب سبحة وركص جوبي علية...




اريد اليوم ابين الضام والضم
يالمنهم عذاب الروح والضيم
حبل حبك اضل بي اشد والضم
واخيط بي فتك ثوب الاذية



مر مره حبيبي ومره دانه
اخذ يسحك بكلبي ومردانه
غديت اخلع قميصي من ردانه
لأن بس العظم والجلد بيه



لجل حبچ سهر جفني ورج لچ
وعساها ايدينچ انشلن ورجلچ
دعيت الله تموتي انتي ورجلچ
وابوچ يموت وي امچ سويــه




رشيق الطول كال بشعر صفنه
وجمالك بلشعر يراد صفنه
بطولك لو تجي وتصير صفنه
صفر ينطونه وينطوك ميه



الدهر لاعب اجدادك لاعبالك
اومشو لاصايه تركو لاعبا لك
اذا مره ضحكلك لاعبالك
تره ابلحظه يراويك المنيه



صرت صوره اوضعهه الوكت بيطار
لان گلبي خذاه اغراب بي طار
لويحظر الرازي وبن بيطار
اشيب راسهم ولعله هيه



الگلب من ساعة الحبك هلك ليش
احچي اوياك ما تحچي ها لك ليش
اقتنعو كل هلي ابحبك هلك ليش
ما قنعو ابحبك ليش اليه




سلطانك وصل للضيم خايب وصه بيه
انه بطيبي الصبي شاهد والصبيه
عابر سبيل احسبني ربك وصه بيه
وفك حبال ظيمك من اديه



الكلب راقي يخايب وارقه بيدك
وعلى كيفك بعمري ورقه بيدك
صفه دفتر عشكنه ورقه بيدك
وكل ورقه التشكها تموت بيه



خلص وكت العزف شعزف بياناي
وحزن البيك كون يصب بياناي
اسمع شوف راح اعلن بياناي
اعلن من هنا حربك عليه



لكربتك عيني دارت لافتلها
مرد روحي جمالك لا فتلها
ماتت روحي علك لافته الها
وشهيد انحسب من تيجي عليه



مدلل ما تهيد انته وناهد
وتكضني حيل متهدني وناهد
وعليه اتهد وكومنلك وناهد
واصير وياك حتى انهد عليه



عليك القيت حجه ولقي يامه
ويامه براسك احجي ولقي يامه
تدري الحشر يمته والقيامه
القيامه والحشر زعلك عليه



الضيم كماط كمطنة ولفنة
وصار الحزن صاحبنة وولفنة
دروب الفرح مكطوعة ولفنة
رجعنة انوب لدروب الاذية



مساره مو عدل وياي بيه ميل
ومن غدره بعد ما اثق بأي male (رجل)
قشمرني قبل سنتين ودزلي email (رسالة)
بغرفة دردشه تعرف عليه



علاج لشفتي بس شفتك ـــ تره شفاي
زركه أصبحت من بعدك ــــ تره شفاي
سائل ترش من حلكك ــ ترش فاي
*أطيب وماتمرض للمنيه

تحياتي للجميع
Dafer

روعه

عاشت الاياي على الكلمات الرائعة

شكرا على المرور والرد

الله الله
روعة يا روعة

ابوذيات رائعه مثل صاحبهه

عاشت الايادي

يسلمووووو
عاشت ايدك

يسلمووووو
عاشت ايدك

والله شاعرة -اخت عليه