فراق حبيبين بسبب الطائفيه

زائر

فراق حبيبين بسبب الطائفية

صدك تقبل حبيبي لغيري هسه تصير
وصدك مليت مني وبعد متحبني

وصدك هانت عليك اسنينه الحلوات
وما هانت عليك شلون تتركني

من يمته المذاهب نحسبلها حساب
ومن الطوائف جانت تهمني

انه لمن عشكتك ما سألت الناس
ولاجنت ادري اصلك شيعي لو سني

شجاك تغيرت وبكلبك انته شصار
جنت تموت بيه وجنت تعبدني

وجنت اتنفسك وانتهالهوه بدنياي
وجنت لو تبتعد لحظات تخنكني

معقولة الورد ينكر جميل الماي
وانته بهالسهولة تنازلت عني

ما أنكر مقصر اجت فترة وياك
لكن مو بدية الوكت يجبرني

شفت يمك نفط وبين اديك الماي
وانه بناري أشتعل ردتك تخلصني

لكيتك بالعكس مايك شمرته ابعيد
وجبت النفط بيدك حتى تحركني

شسولفلك بعد طعم السوالف راح
ردت منك توافي وخيبت ظني

أدري الوكت هو الخله كلبك هيج
وادري الطائفية الباكتك مني

وقبلل لا تبتعد عندي سوأل ارجوك
فكر ويه روحك وعود جاوبني

باجر لو متت وتشوفني بتابوت
هم تبجي عليه وبعد تذكرني
؟؟؟
هم تبجي عليه وبعد تذكرني؟؟[/font]

عضو فضي

يسلموووووووووو
رووووووووووعة وربي
عاشت ايدج

ادارة المنتدى

قصيدة رائعة عاشت الانامل

زائر

شكرا

عميد كلية الاحزان

يسلمو روعة

زائر

شكرا على الردود

» شعر فراق الا حبة
» خاطرة عن حبيبين في مصيرهما للفراق
» الى كل حبيبين و ((واحد ويساعدهم)). هذه الصورة روعة
» قصيدة فراق الحبيبه
» كل الموت فراق .. وبعض الفراق موت‏