قصيده لاتلوم العين واتنشف الدمع

لا تلوم العين واتنشف الدموع
شضارك لو دمع صبت عيني
لو تعرف اسباب نوحي وليش انوح
جا صرت عبرة وتجي اتبجيني
انت ما عندك جرح تبجي عليه
وين تلكه حسيــــــــن مثل حسيني
كون مثل حسيـــــــن عندك دلني بيه
وين هذا حسيــــــــــــــــينكم دليني
لكن انت منيلك ومنين اجاك
بيــــــاهو منهم تكدر اتباريني
حســـــــين من دمه وضع للدين اساس
وحاولت ربــــــــــــــعك تهدم ديني
وهي لو ما كربلا ووكفة حسيــــن
انت مدري لياشــــــــــمر تهديني
آنه مو بيدي اذا أذكر حســـــــين
هـــــي تركض للصدر كفيني
حسين ثار الله ومحمد وصه بيه
وعن وصيته النبــــــــــي ما يعفيني
حسيــــــن ثار الله وحشــــاه ما ينسى ثار
وعن قريب الصوت اله يناديني
اتريد تلهيني واكلك مستحـــــــــــيل
حســــــــــــين ثاري وعنه ما تلهيني
ممكن تهدمني بس يبقى الاساس
شما يمر عاشور هم يبنيني
الف واربعميت عام وآنه هذا
وعجزت ســـــــــيوف الظلم تثنيني
اشكثر جم حجاج مروا بالزمان
وحاولت كبلك دول تمحيني
آنه سجه شوك ودروبي كزاز
ويا جدم حافي الكدر يمشـــــــيني

السلام عليك ياسيدي ومولاي يا ابا عبد الله

سلام الله عليك


تسلم اخي حيدر على الكلمات وتقبل مروري

خيتك حمامة الدجيل

تسلم حيدوري على هذه الكلمات الرائعة بحق ابي عبد الله الحسين عليه افضل الصلاة والسلام

تسلم يا اخ نوار على هذا المرور الجميل

شكرا خيووووو حمامة على هذا المرور الجميل

شكرا على المرور