قصيدة عن بغداد الحبيبة

عضو فضي

شمالك ياوطن دنكت راسك ليش بز عين الي يكرهك وارفع الراس

الخلك تنهش بلحمك وانت ماحسيت شجالك ماتحس يل كلك احساس

خضت لعبة شرف وي الي يكرهوك واجه اسمك حفر محفور على الكاس

شجالك سلمته برجة الارواح وبيدك سلمت للحاربك فاس

بستانك كل زارع بس ورد بيه ببساطيل الغرب بستانك انداس

ندري احنة ابد ماتهدي الاوضاع الخريطة تأكدنه وهي الاثبات

لأن ربك رسمنة بوجه معفوس وعليه جرحين هنة دجلة وفرات

بس يبقى الامل عايش بالكلوب متنة وندفنة وهو مامات

البطران يحزن لو عبر يوم وحنة ندك طبل لو جم شهر فات

نريد الحجة يظهر خلصت الناس خاف نوب يظهر وكلنا اموات

مقاول صار عزرائيل على الناس واخذ مقطوعة من عند شبابك

ترابك لاتظن احمر من الخير من دم الخلك احمر ترابك

كظيت العمر كله تقفل البوب وانته من العرج مشلوع بابك

» قصيدة حززززززززززززززززززينة على بغداد الحبيبة
» قصيدة الى اجمل عاصمة في الدنيا ( بغداد الحبيبة)
» حول العالم من هنا وهناك صور بغداد الحبيبة
» قصيدة الام الحبيبة
» قصيدة بغداد لا تبكين