قصة طالب يريد يصارح بنيه طالبة وياه بالقسم

طالب وعايف دروسي واقرا اشعار وجرايد
وعاشگ بنيه بقسمنه والگلب بس الها رايد
هي حلوة .. هواية حلوة واني عمي شلون واحد
بالفرن ناسيني اهلي وحتى لون عيوني جارد
حاولت الفت نظرها بكل وسيلة وماكو فايد
غيرت لبسي ومشيتي وفكري بالمودات شارد
وجللت شعري وصبغته ولبست حتى گلايد
گعدتني ع الحديدة لا بعت حتى الحدايد
لا تگلي ولا اگلك بهذلتني الله شاهد
وهي تدري بس خبيثة مثولة والدلال بارد
وانه نار بنص دليلي خاف اصارحها وتعاند
مرة اگول احجي معاها ومرة اگولن خلني راچد
وين چانتلي يربي چنت متونس وگاعد
وقررت لازم ابوح بحبي الها وما احايد
بوري ما بوري اسولف قابل مصارح مجاهد
جيت وتقربت يمها جسمي يرجف حيلي بايد
والضغط يمي تخربط مرة نازل مرة صاعد
گمت اتمتم گمت اعتعت گمت احس بلساني جامد
چني سيارة عتيگه وانكسر من عدها گايد
ردت افلت ما عاد ينفع گالت اتفضل شرايد
گلت عفواً من رخصتچ بلكي عندچ قلم زايد


ان شاء الله تعجبكم

ميرسي

روووووووووووووووووووووعة
مغرور

عاشت ايدك على هذا الكلام

يسلمو مره ثانيه كلش حلو هذا الشعر بس هو صوجه منو كله يحبه ويورط نفسه ال بيحبه ال[i]

مشكورة يا بنت الدجيل على المرور بس هوة المسكين جان رايد قلم هههههههههههه



مشكور ظفار الغالي على المرور هاي وينك عمي والله مشتاقيلك


مشكورة ملاك الدجيل على المرور وشرفتينا بمرورك الجميل
ما فتح عندي رابط السوط


ان شاء الله تكون عجبتكم