الزهيري

ياعين دم ودمع بفراكهم صبي
وأترس بكاس الحزن حيل وبعدصب بي
بدواي محدعرف مسلم ولا صبي
واني طعين الكبد لاميت ولا حي
تانيت محد اجه منهم ولاحي
ان جان اني اصبحت لاهلي ولا حي
دنياي حيل اعكدي وفوك العكد صبي

ياحيف اهل الكرم صارو مناحه الهم
واهل الردايه اسف جثرت مناحلهم
وضنو بان البشر كلهم منيحه الهم
وعالو ومالو اسف باهل التقى والعلم
واخفو شواضف كبل للديره جانو علم
مو حكه بس بقهر تبجي وتنوح العلم
حكه الليالي بحزن تبني مناحه الهم

إشـما يجور الزمن تبگـه انته عالي وأشــم
مرخــص اضـلوعـي الك طرزهــه بحله وشـم
من غير عـطرك ابد .. لتصدگ اهـوه وشــــم
مـن حيـــث يا زيــن حبـك وسـط دمي ســره
يلي عــله شـوفتك وگفـت الوادم ســــــره
لحـلـف وحــگ اــلذي ... لمسجد الاقصى سره
نجـمي تره ابفـرگتك ينذر إبمحنه وشــــؤم



كــل الشـرايع الـچ مـفـتوحـه يلـه اوردي
ولـو چــان ماكــفتـچ اسـگيـچ مـن اوردي
ما بيـچ بـايع وطـن .. لا بيـچ خـان اوردي
بـغداد اهلـچ زلــم كلهم شهـامه وجــــود
علجرح دوسي إنهضي للدنيه إثبتي اوجود
منهل حضـارة يشـع .. اسمچ عله الوجـود
وجنـاس شعبچ غدت .. بسـتانمن اوردي
نهـران دمـنه يـصـب محـد عـلينه ســال
والگاع منه ارتوت يجري ابغزاره وسال
لا ولد عــم انـتخوا ولا سيـف واحد سـال
يتفرجون اصبحوا وانباگ وسفه الوطن
وهامات ولـدك ابـد .. للاجـنبي ما وطـن
يا حيف أخذنه العصف وبليل دوه وطن
المات بينه مات ... والناجي ابقهرهسال

إشـحده اليمـس تربتك شحـده الذي يـدنته
إدروع كــلنه الـك وحده اصـبحـت يــدنـه
وانعيد ماضي الزمن وگفات من يدنه
من (بالرميثة) شـچـخ ابگلــب العـدو فاله
مگـواره مـا فارگــه .... فال النصر فاله
بـحبـال جـدمه عـگـر .. ابدن فلا فــالــه
حـالف يبيد العـدو ... ابروحه لون يـدنه