ابوذيات اتمنه تعجبكم

معاد الناس كلهة وانتة أصلي
مثل غصن بفروعك وانتة أصلي
راح اوكف ابابك وانتة اصلي
وكل طلقة التجيني ضماد الية

قدر مكتوب حبك وانتة قسمة
الواحد مالة ناتج من تقسمة
لون بسيوف كلبي من تقسمة
دشوف معزتك شنو امسوية بية

عليك اصغار تسالني والكبار
وانا المتقي بحبك والك بار
الك كنيسة بنص كلبي والك بار
تصلي وتسكر وتخطب عليـــه

احب جفنك واحب عينك ورمشاك
واضل طول العمر امشي وره امشاك
اذا تكطع مراسيلك ورمشاك
اسويها معارك طائفيه

وگع گلبي بغرامك ماتشيله
وجرح شوگ البيه ماتشيله
اخابر وأنته تسمع ماتشيله
ولك هالروح ماتحمل أذيه

حبيتك واصبحت ابغير .. عالم
ورب العرش يشـهدلـي .. وعالم
طالب اني عندك وانت .. عالم
تشرحلي وترد تمتحن بيـه

نشدت الناس عنك و انته هينه
و على فراكك تعذبنه و انتهينه
قلبي انته التعذبه و التهينه
بس تظل انت اعز محبوب اليه

حبيبي جروح الك بل روح حالن..
وأمس چنت احسن من اليوم حالا..
أريدك تنتخيلي وتمر حالا..
باچر وين ماتلحگ علية

يشطك جاري مايه من يعبره
خذت دوم الاوادم مني عبرة
تكول عليه جاهل من يعبره !
وانه اسوه العلمك واسوه أبيه(ابوه)

هام العگل من شوگگ وجن بيك
وشبيه الگمر من يضون وجن بيك
ابوسك لو يحبسوني وجن بيك
أوامر من وزير الداخليه

غرف رمان بخـــــدوده غرف تين
ويريت اغرفلي من حسنا غرفتين
داجر مشتمل كلبي غرفتيـــــن
والايجار بوسه بكل مسيــــــــه

عقد ياقوت ذرعانك وفضه
على المخلوق طش حسنك وفضه
حسابي وياك اريد اكعد وفضه
واحجي العلي والمو عليه

ردت طيفك يلوح بيوم مالاح
وطعم فركاك صار هواي مالح
بعد مادز رساله وابد مالح
لان كلما ادز مترد عليه

روحي من الهجر ملت وسالت
عليه احباب لانشدت وسالت
الف دمعه الجرت مني وسالت
ولادمعه الجرت منهم عليه

اخذ گلبي حلالك وانتحر بيه
اخذ دمي وشرايني وانت حر بيه
سم بالماي احطنك وانتحر بيه
ولا غيرك يمس اصبع من اديه

حياتي عكب شخصك شلي بية
وجميع اعضاي صارت شلل بية
توديلي رسايل شلي بية
اريدن شوفتك والكعدة سويا

شوفني الفراگ نجوم ظهري
وگمت للشيبة اگلهابساع ظهري
ردتك يابني انته حزام ظهري
ترد العيلة لوصارت عليi

اذهب ورتحل عنك ورد ليك
و من بستان كلبي ارسل ورد ليك
يمعذب كلب دامي و أرد ليك
رسائل شوك وياهن هديه

انه بحبك ابد مايوم غشيت
وعن كل البنات النظر غشيت
گعدت يمه وعليه بسكوت غشيت
وگف صاح المدرس غش عليه

على مودك عفت ربعي وناسي
واسد بحلوك شماتي وناسي
اذا عني غفل كلبك وناسيانه
بطرواك لسه وتدري بيه

روعةةةةةةةةةةةةةةةةةةةةةةةةةةةةةةةةةةةةةةة


قدر مكتوب حبك وانتة قسمة
الواحد مالة ناتج من تقسمة
لون بسيوف كلبي من تقسمة
دشوف معزتك شنو امسوية بية

شكرا
احبك ما احب غيرك وانا سلاك شلون تريد تنساني وانا سلا ك
محيتك كهرباء صارت وانا سلا وليكضني انتل بية

*************************
ترى بموتي المصايب خيرني
ونطق كلبي بمحبتك خيراني
حبيبي يريد اعوفه
وانه مااكدر اعوفه شلون بيه
*********************
العشك موعيب بي رخصة وذن بي
وذنب الكلب موذنبج وذنبي
الكلب بي عين بي شفة وذن بي
شافج واستمعلج صاح هيه
تحياتي الك عمار****

عاشت الايادي المبدعة
يا مبدع

شكرا فاضل حبي
وشكرا فراشة
انتي المبدعة
شنوهاي الغيبة الطويلة

ضروف قاسية

سترك يا رب انشاء خير

واتمنى لكي الموفقية

شكرن جزيلا على اهتمامك