للسيـــــــــده العظيـــــــمـه ((زيـــــنـب)) المـــــقدســــــــــه

زينب ياظـــــلامه بكَــصــة التـــاريـــخ
مــــــــاوصفـــــــوج قطعــاً كل اليكتبون
شـــوصف بيــــج حاير كلت زينب بيج
لان بس انتي وانتي يجــــوز تنوصفون
زيـنـب ويـــــه زيـنـب تشبه الميـــــزان
شمـــــا نجمع النــــــاتج زينب يطلعون
زينب مـــن كتبتج شفت اسمج صــــار
مخيم واليتامه بســــدج يـلـــــــــوذون
ياصـــــــوت العداله بيوم مات الصوت
لحد هسه الطغاة من اسمــج يــخـافون
صفـّنتي السوالف من خطبتي هنـــــاك
اذا حجيج صفن جـــــــــاهمه شيسوون
كدّ كيدك زلازل طاحت اعله الكَــــــــوم
يزيد وكل زمرته وكون طكـ بكــــــــون
ولأنج بت علي وعالرحمه من ربــــاج
بس كلتي اسعى سعيك راحو يركضون
فــــــــــرق مـــــــابينج وبين التلم ايتام
على الطاغـــــي جحيم ولليتامه صحون
الله يســــــــــــاعدج وانتي بطرك جفين
بس بالجـــــــوع كل جف ينكلب ماعون
معصـــــــــومه انتي قطعاً ماعليج غبار
واليجذب حديثي راح اكله شلــــــــــون
علي وفاطمه العصمه تكول معصومين
والقـــــــرآن نفسه يكول معصـــــومين
والمعصوم يعني منزه مــــــــــن العيب
ويا عيب الوصل هوه انتي تنشـافين!!
بس الله اعتقد من صورج شافــــــــاج
جـــمــــع مجمل صورّج شافج تسبحين
وانتي بضهر حيـــــدر جان الج محراب
يعني بــعــــالم الـــذر جـنـتــي تصــــلين
كَــــالوا بــالـــحــرب شافو علي الهم دار
وعلي مـــــــايلتفت معـــروف يفتر وين؟
بس خاف اعله زينب تترك المحــــراب
كلها اصمله بـــــــــــويه اعليج لتخافين
وليش بلايه ظــل معقوله هــاي تصيـر؟
اذا انتي بشر فالبشر اصله الـطّـيــــــــن
وطبع الطيــــــــن عتمه مايخرقه اشعاع
يـــرتّــد الشــعــاع وظــل تشوفه العيـــن
بــــس انتي لكيتج كتـله مـن الضـــــوء
والدنيه فــــــــــــــراغ تصير من تمشين
اذاً مـــــــالج خـيـــال اعجــــــاز ربج راد
عكس مجرى الطبيعه وخارقه تصيريــن
هزيتي العروش ورهبة السلطـــــــــــان
بلسانج فقط لـــــــــــــو سيف شتسوين
لسانج سيف ضارب واسمه ذو الفـــــقــار
واذا فقّار قطعــــاً فهو ذو حدّيـــــــــــــــن
وياهوه ابن ابيه ويصد ذو الفقـــــــــــــار
اذا ضربت اشفاره تعادل الثقلــــيــــــــــن
اذن عندج رساله ومعجزه وقـــــــــــــرآن
بس قرآنج انتي جان راس حسيـــــــــن
قرآن وحمل هذه الاسم شيصيــــــــــر؟
عرش الله يرتل بيه امــــــــن اترتليــن
والمعجزه العنـــــــــــدج غيرة العباس
ذاك الذي بغيضه تطايرن جـــفـــيــــن
اسألكم الدعاء