قصيدة صدمة العمر

اشكي للة على عمر عاش بمعانات

وعلى بستان حب باخلاص شجرتة

وعلى كلب شاف وحمل لوعات

وعلى خلي البال البدنيا عاشرتة

واريد اشكي وشرفع علية من دعوات

يهجرني بغرب وبكلبي سكنتة

غزاني بجيوش المحبة ومعدات

واحتل كلبي وماني كادر لمقاومتة

ياغزو اتخذ ال من كلبي مقرات

وعلية يمون وكل امر نفذتة

كمت امشي على هواها بمجسات

وحتى بيوم من الايام بيت اهلي داهمتة

اسد وبكل المواقف الي وياك وكفات

ودست على الصعاب وكل صعب سهلتة

امنت وما حسبت للدنية صدمات

الهويتة ثمن اسنين ابلحضة ما اخذتة

وابد ما خنيت بيني وبينك وداعيات

هذا مو على بالي وابد ما حسبتة

طريق بيدي امهدة وارفع العبوات

وتالي على هالطريق اتصير زفتة

ومن ابعد بدت للروح نزعات

وياعين شكثر صبت دمع بيوم ودعتة

وياحزن قرب علي للموت سكرات

وبفراك المحب يهون الموت وسكرتة