احبـــــــــــــــــــ بغدادـــــــــــــــــــــــــــــ<<<<

كلهه ابصفحه..
وحبج يابغداد ابصفحه
مجنونين ابحبج احنه..
ومن حبج ابدا مانصحه
بيج ايمجد شعر الشعبي..
وبيج ايمجدون أهل الفصحه
المو من عدنه اشلون ايطبج..
ويخطف واحد من أولادج..
كدام اعيونج ويذبحه
انت الجانت كل الدنيه..
تتمنه اتطول اظفر منج..
ياحلوه وياطيبه وسمحه
يم حضن الدافي اولميتي..
هذا اعمارة..وهذا اربيل..
وهذا الجاي من أهل البطحه
او لميتيهم وي أولادج مثل السبحه
بغداد..
او ياليل الطول..
او ياليل او ماباين صبحه
عيد الفطر او ماعيدتي..
او لا عيدتي ابعيد الأضحه
والموت ابكل لحظة ولحظة..
والميت شيفيد اتشرحه
وشتلحك عالطب العدلي..
وشتسجل جم دعوى وجنحه
بغداد.. ارجوج اتسمعيني..
لا تنطين الفرصة الواحد..
ايريد ابكلبج ينشب رمحه
انريد اوياج اشويه اشويه..
المكسور انريد انصلحه
او دمع اعيونج خلي انمسحه
واللي ايكرهج مو من عدنه..
او مو ويانه..او خلي انفضحه
او متأكد راح اتردين او تحله أيامج..
امصبحه امروحه
والميحبج راسب..راسب
بويه الراسب ياهو اينجحه
بويه الراسب ياهو اينجحه